Thursday, April 12, 2018

SIAHA DISTRICT TASK FORCE IN MRVC CHUNGCHANGAH MEETING AN NEI


PRESS RELEASE
NO:30/2018

SIAHA DISTRICT TASK FORCE IN MRVC CHUNGCHANGAH MEETING AN NEI

Siaha; April ni 12, 2018: Vawiin chawhnu dar 1:30PM khan DC's Conference Hall-ah District Task Force te chuan District Bawrhsap Pi Harleen Kaur IAS kaihruaina hnuaiah kan hmalawka MRVC(Measles Rubella Vaccination Campaign) beihpui thlak dan tura ruahhmanna kalpui dan te thlirhoin meeting an nei.

Vawiin Meeting-ah hian Dr.Amitabha Sarkar, WHO atanga Lawngtlai leh Siaha District atana  Surveillance Medical Officer a tana ruat  chuan  Key Vaccination Startegy & Preparedness Assessment in Siaha tih thupui hmangin Power point presentation hun a hmang a.Siaha district in MRVC tana kan inpuahchahna te chu chipchiar taka zirho a ni. Dr. Amitabha chuan  Manipur leh Arunachal Pradesh-ah chuan MRVC hi 100% hlawhtling in an lo kalpui tawh a, Siaha District-ah pawh kan kalpui ve theih ngei ka beisei a ni, a ti.

Mizorama District tin ten kan District theuh va 100%  MRVC kan kalpui chuan Mizoram State chu 100% MRVC kalpui State kan ni mai dawn a lo ni, a ti bawk.

  MRVC beihpui kan thlak tur hi a hlawhtlinna chu Mipui leh Sawrkar thawhhonaah a innghat a, Siaha district khua leh tui zawng zawng te chu MRVC beihpui kalpui turah hian Medical Staff te lo tanpui theuh turin a sawm  bawk.

 Dr.Hniechho Nodal officer pawhin thusawina hun hmangin  MRVC hmang hian Siaha District hi kan tu leh fa te tan Measles(Sentut) leh Rubella(German sentut) natna awmlohna district a siam turin thahnem ngaitakin i thawkho vang u, tiin meeting member te a sawm bawk.

ISSUED BY:  INFORMATION &PUBLIC RELATIONS OFFICE
SIAHA DISTRICT: SIAHA.

No comments:

Post a Comment