Friday, July 17, 2020

Siaha Airtel chôchah: Mararâh zawpi hnohta pahnosana nata alynabie

*MARARÂH ZAWPI HNOHTA PAHNOSANA NATA ALYNABIE*

_Dated Siaha, the 17th July, 2020_

Ahmiatua ta Mararâh zawpi zydua Mara Students' Organisation Gen. HQ, Siaha mohta *SAMAW* eima cha hlâ.

Atanoh târi noh 17.07.2020 (Chutynoh) zâlâ khata Siaha DC Chamber liata Puhpa, Bhupesh Chaudhary, Deputy Commissioner, Siaha District, Siaha chhihthana ry liata MSO Gen. HQ nata Airtel Pvt. Ltd. vyuhtuapazy atyuhpahmaohna hneipa a châ.

Siaha District ta Airtel signal kyh liata rairuna eimâ tyhpazy tlôkheipa châ ta, Airtel Pvt. Ltd. vyuhtuapazy ta Thlano (2) chhôhta hlao patloh awpa ta ama paryhsapa vâta atazâ tawhta Airtel Tower chhao ON awpa ta bietluna taopa a châ haw tahpa eimâ pahnosa.

He aryhna liata biepatlupazy cha;
1) Siaha Khihchhôh liata Airtel Tower sâpalih (4) bô baichhi awpa.

2) Siaha District chhôh thotlâh Khih liata tower bô baichhi awpa nata, a y chiehpa thokha upgrade awpa.

3) Zawpizy ta internet service a chatliepa eima hmâ thei n'awpa nata, rairuna a y daihti ta a chatliepa ta taopathi awpazy a châ.

He chôchâh hmahlana liata tôhpi phia ta, phahnai maniah angiahkheituhpa Puhpa, Bhupesh Chaudhary, DC, Siaha nata MJA, District HQ, Siaha zy hnohta alynabie eima reih hmeiseih.

Tower Off a châ chhôhta zawpi hluhpi rairuna nata buana namâ tyh aw tahpa pahno pi ta, cha nota paphôhpalyuh leipa ta eima ti nata râh châta hmo phapa a pua n'awpa pachâpa ta miah nama deichhyna nata, ahlykheina kyh liata MSO Gen. HQ, Siaha ta alynabie eima reih hmeiseih.

Hmialâ daihti lia chhaota maniah baokhâ ta, maniah deichhy via lymâ awpa ta Mararâh zawpizy cha hrua pi ta, eimâ châ haw.

*Issued by: Mara Students' Organisation Gen. HQ, Siaha*

No comments:

Post a Comment