Sunday, October 18, 2020

MIZORAM NATA ASSAM RÂHRI BUANA CHÔCHÂH TAMARARÂH ZAWPI HNOTA AHAWNA

OFFICE OF THE
MARA STUDENTS’ ORGANISATION
GENERAL HEADQUARTERS : SIAHA
Regd. No. 41 of 1968-69 (Assam)
Estd. : 1965

No.2/MSO(H)/2019 – 21/PR - 19           Dated Siaha, the 18th October, 2020

MIZORAM NATA ASSAM RÂHRI BUANA CHÔCHÂH TA
MARARÂH ZAWPI HNOTA AHAWNA

               MSO Gen. HQ ta Emergency Executive Meeting târi 18/10/2020 pata Achuhaipazy Opi liata Mizoram nata Assam râhri buana chôchâ pachia awpa ta atyupahmaona hnei ta, he ary liata palâsapazy he biepathlu peimaw viapa a châ.
 
 1. Mizoram nata Assam râhri buana vâta thisai lohna taita hmazôh phaopa ama ypa he MSO Gen. HQ ta pei tah ta, Mizoram râhri pabohsa a châ thei nawpa ta abyuna nata angiana hawta apie lymâ awpa parysapa a châ. Hmalana hmiatuapa châta Mizo Zirlai Pawl Gen. HQ zy  baona sô pie awpa ta parysapa a châ. _He râhri buana ziza ta zie y na lâ apangai lei khiata cha MSO Members zy râhri lâ sie ta abyuna hawta apie awpa ta pathlupa a châ._

 2. Ziza pha lei viapa a tlôlei nawpa ta Siaha District liata Non-Tribal zy  râhri buana chôchàh vâta ahyma ta  ku pathla lei awpa ta eima haw.

 3. Siaha liata Non – Tribal zy atahmâ hlâ ziza mohpa ta mydi 06 :00 am – 05:00 pm taita ama hmotao tyhpa (Regular activities) tao awpa pasaipa châ aw ei ta, 05:00 pm – 06:00 am taita deikuah cha ahy hma khôtho pua lei awpa ta eimâ haw. Tao awpa peimaw kawpa a hneipazy tah leipa cha khôtho pua lei awpa a châ aw. He bie puapa a zy kho leipazy cha ama chô liata hmo khapa rai avaw tlôpa chhaota MSO maophaona châ aw vei.

 4. Râhri buana vâta, Siaha liata daohneipazy ahyhma hmo mâ paru lei awpa nata hmobao chhaichhi apasoparu (hoard/stock) lei awpa ta ahaw chanei pita, zawpizy ta he hawpa hmotaopa ama y khia MSO Gen. HQ(8414865332/8132930823) hnota pahnosa awpa ta eima haw hra.

 Mararâh zawpizy, he râhri buana vâta palôru rie apathei lei awpa nata râhri abo nawpa ta hriatuhpazy châta thla chhâkhei awpa ta eima haw hmeiseih.
             
Sd/-
(CH BEIKHOCHHI)
President

Sd/-
(JUDSON KT ZEPHATHA)
General Secretary.





No comments:

Post a Comment