Thursday, November 12, 2020

MSO nata Airtel hyutuhpazy apakyna hnei

*MSO NATA AIRTEL HYUTUHPAZY APAKYNA HNEI*

DMG Siaha, 11th Phiapi, 2020: Atanoh nohchhô khata MSO Gen HQ chhithatuhpa nata Airtel vyutuahpazy Achuhaipa Opi liata apakyna ama hnei. 

Eima hnolâ tawhta Siaha lia Airtel network pha viapa hnei thei nawpa ta MSO GEN HQ hmalana sie haipa liata Airtel company hmasiena duasuzy reipahmaopa a châ. Airtel tawh a vaw hlaopa Mizoram Sales Manager ta Siaha liata a chatlie thei chaina hawhta hmala awpa ama khoh nota Covid19 vâta hmasie a ru zie rei ta. Cha nota Siaha châta Airtel tower 4 bô baichhi awpa liata sanopa cha hmala haipa châ ta, tower 2 pa deikua a bô nawpa su râh chôchâh liata rairuna ama hneipa vâta khohdâh hawhta hmasie chatlie lei zie a reih hra. 

Airtel ta Siaha tawhta revenue ama hmôpa he a hmasie kawpa vâta Siaha ama pachâ peimawh zie zy chhao a reih hra.

MSO Gen HQ chhaota atahmâ no duasu liata rairuna hluhpi a ypa vâta ama duasu ama pahnothai zie reih ei ta, cha nota MSO ahawna pachâ peimawhpa vâta hmalana ama siekhei haipa cha ly a chhi ama tah zie ama reih hra.

With inputs from: LD Beihrua via Deiva Media Group WhatsApp.

No comments:

Post a Comment