Monday, December 07, 2020

Puhpa P.Sama, Executive Secretary, MADC ta Puhpa S.Vahro châbu palâhâh

 PRESS RELEASE

No.143/2020


Puhpa P.Sama, Executive Secretary, MADC ta Puhpa S.Vahro châbu palâhâh


SIAHA, 01 Di, 2020 – Atanoh dawh 11:30 Am liata Puhpa P.Sama, Executive Secretary, MADC ta Puhpa S.Vahro châbu ropa “Compilation of MACPS - 2020, Pension, Family Pension & Form of Communication (Mara)” châbu cha ano office chhôhpadâh liata a pâlâhâh.


He palâhâhna Programme he Puhpa S.Vahro, Assistant Accountant ta chhihtha ta, Machâ V.Zawsia ta thlahchhâna a hnei. Puhpa BM.Khaimeichho, Deputy Secretary (DPAR&P), Pihnô N.Elizabeth, Deputy Secretary (GAD) nata Puhpa Derick Salai Solo, Under Secretary (GAD) ta biereina ama hnei hra. Puhpa S.Vahro ta alynabie reina hnei ta programme he khawpa a châ.


Châbu palâhâhtuhpa Puhpa P.Sama, Executive Secretary, MADC bierei tlâhpi viapazy:-


Atanoh ta he Puhpa S.Vahro châbu châbu ropa “Compilation of MACPS - 2020, Pension, Family Pension & Form of Communication (Mara)” Mara reih ta a ropa ei vaw pâlâhâh theipa he hmo ngiatlâh châpa vaw châ ta ei ly ngâsâ. Puhpa S.Vahro he keima mo pakha châta la ei nawhta châ ta, ei sawchanô lâ tawhta chhôhkha hnia kawpa châ pi ta. Executive Secretary ei vaw châ tawhta Puhpa S.Vahro he DPAR&P liata ei ku phei sâkha ei za hmâ chaipa chyhsa châ ta, keima deita ta a za hmâpa châ leipa na ta he MADC Office pôhpalôhpa heta Puhpa S.Vahro he eima za peimawh chyupa hawhta ei pahno. 


Ano he chyhsa tiama kawpa châ ta, ano a ku liata duty (tao awpa) a za y hapa cha pending leipa ta atheina hawhta a za siekhei tyhpa a châ. Pending leipa ta zôpha kawpa ta hmo he a za tao tyhpa a châ. He tlu ta Office rai hnei hluh ta a bua kawna chôta Châbu pha kawpa he ano mo pakha châta peimawh ta, cha hleikhô ta District Council liata Employees zydua ta he châbu he  nohchareih ta eima peimawhpa nata eima kaw peimawh via lymâ awpa châbu a za châ. MADC Office liata Clerk level liata thokha cha Technical pâpa English reih a pahno leipa y thei pita, he châbu Office châta peimawh kawpa Mara reih ta rei thei awpa a vaw y thlâh hapa he aly â chhih hmeiseih. He châbu he District Council liata HA (Head Assistant) tawhta a ry lâ zydua problem thata a za solve cheingei nahta ei hnabei a seih. Eima hrochhôh heta achu awpa he chhâ thai leipa ta, eima thi hlâlei cha achu via lymâ awpa eima châ.


Ei châ ly kaw ei.


He châbu he tho 54 ahneipa châ ta, tlaw ₹ 100/- ta chalei theipa a châ. Puhpa S.Vahro, Assistant Accountant, Department of Personnel, Administrative Reforms & Pension, MADC hnohta chalei theipa a châ.


ISSUED BY:-

Information & Public Relations Department

Mara Autonomous District Council

Siaha.



















No comments:

Post a Comment