Mesaka (Pate) Chennai liata miah apahasai haw
Nov 7th, 2009 | By Admin | Category: NewsMesaka (Pate) S/o K.Valy, Siaha Vaipi cha atamy (Saturday, November 07, 2009) dawh 7:50Am pata Chennai liata miah apahasai haw. Machhie asapenawh Mesaka (Pate) chhohkha zy eima thlahchhana lia a thei chyu suh vy. Mesaka (Pate) he November 03, 2009, tuesday noh dawh 10:00 Pm pata Chennai liata Cycle a kia lai nga nohta a hnoky la tawhta Auto Rickshaw ta su ta apalo a thei khao lei ngana taita he hawpa accident he avaw ty hapa a cha. Unconscious ta a y vata ICU (intensive care unit) liata nopali chhoh y awpa ta Dawhty zyta ta ei ta, chata atamy kha miah apahasai haw. Mesaka (Pate) he Madras Christian College, Tambaram vaih liata BSC 1st year (Zoology) a chu nga haipa a cha. Madras liata thla charu (6 months) a y hma.
A chyhsa ataopa eima chana hawta ahy hmata keimo hrona chyu liata ryu eima rei thei leipa hawta eima viasa kho kawpa St.Mesaka cha lyna dia thai khao leina rah la cha mia asai sai hata.A siesai hapa aviasa lokhy zy pi taothai aru eima ta ngaita.Abeipa ta leithlalona ta thlalona mia pie thei leipa cha Va thlalona ta eima hno nata athihapa chhokha hnota za patlosa maw sy.