Monday, April 26, 2021

MADC Court President & Recorder thiehpa Puhpa K. Vanlalliana ta charge la

 PRESS RELEASE No.25/2021

Siaha, 26 Pachawh, 2021, Hriatuanoh – Notification No.MADC.11/GAD(DPAR&P)/2018 of 16th April, 2021 bie hawhta atanoh dawh 12:00 Pm liata Puhpa K. Vanlalliana cha Court President & Recorder rai hria awpa ta Court President & Recorder a châ ngâhaipa Puhpa K. Chhihrau tawhta charge a la.

Puhpa K. Chhihrau chata Court President & Recorder thiehpa Puhpa K. Vanlalliana hnoh ta khokheina sâh chaipa hlâ ta, Court President & Recorder rai he Marasawzy châ ta byhnâ châna peimawh kawpa rai châ ta, apiepasaina nata palôhpasinazy peimawh ta, tiama kawpa nata phahnai ngiah kawpa ta hria awpa ta a pasyu.

Puhpa K. Vanlalliana chata biereina chyupa hnei hra ta, a theina hawhta MADC Law & Judicial Department châ nata Mararâh châta hria awpa â chhuah zie a reih; Court President & Recorder rai he mo pakha ta hria thai’pa châ lei ta, Law & Judicial Department Officer nata Staff zydua ta hriaparaoh awpa apeimawh zie reih ta, hrialâh phapa châ awpa â chhuah zie chhao a reih. Law & Judicial Department ry liata Officer nata Staff zydua apha kawpa ta hria lâh awpa ta ahawna nata hruana a tao hra.

Daihti chhâna lâ liata Puhpa K. Chhihrau ta vote of thanks reina hnei ta, Puhpa B.Nawhmô ta Khazohpa lâ alyna bie reina thlahchhâna a hnei khai tawhta Bei Zisu thlachhâ mia pachu pa ‘Lord’s Prayer’ ta daihti khawpa a châ.

ISSUED BY:-

Information & Public Relations Department

Mara Autonomous District Council

Siaha.


















No comments:

Post a Comment